နှစ်သစ်မင်္ဂလာဆိုတာ လူရယ်လို့ ဖြစ်လာရင် လူတွေရဲ့ အမွန်မြတ်ဆုံး နေ့ထူးနေ့မြတ်ကို သတ် မှတ် ပြီးသားပါ။ ဒီအထဲမှာ မြန်မာတို့ရဲ့ ရင်ထဲမှာလည်း မြန်မာသင်္ကြန် ရေသဘင်ဆင်ယင်ပွဲဟာလည်း တစ်ခု အပါ အ၀င်ဖြစ်ပါတယ်။ မြန်မာတို့ရဲ့ ရင်ထဲမှာ အရင်နှစ်တွေနဲ့ မတူ တမူထူးခြားမယ်လို့တော့ ထင်ပါတယ်။ ဒီနှစ် သင်္ကြန်က မြန်မာ တို့အတွက် ပိုပြီး အဓိပ္ပါယ်ရှိတဲ့ နှစ်သစ်အခါသမယဆို ပိုမှန်မယ်ထင်တယ်။ စာရေးသူ ရင်ထဲမှာလည်း ဒီလိုပဲ ခံယူမိပါတယ်။ အရင်နှစ်တွေက အင်္ဂါမစုံတဲ့သင်္ကြန်လို့ ဆိုပြန်တော့လည်း ပိုမယ်မ ထင်ပါဘူး။ မြန်မာနိုင်ငံအ၀ှမ်း အရင်နှစ် တွေ ထက် ပျော်ရွှင်တွေ ပိုရွှမ်းမယ်ဆိုတာ သေချာပါတယ်။
သင်္ကြန်ရယ်ဆိုတဲ့ အသံကြားလိုက်ရင် မြန်မာမှန်ရင် ဘယ်လောက်ပဲ အဝေးကို ရောက်နေရောက် မိမိတို့ ရိုးရာ၏ အမွေအနှစ် အငွေ့ဓာတ်ကို ခိုလှုံဖို့အပြေးလေးလာချင်တတ်ကြပါတယ်။ သင်္ကြန် ရက်မြတ် အတွင်းမှာ နေပူထဲ ဘယ်လောက်ပဲ ပူပူ အပူကို အန်တုပြီး သင်္ကြန်ရေတစ်စက်ရဲ့ တန်ဖိုးကိုလိုက်ရှာ နေကြတယ်။ မဏ္ဍတပ်တိုင်းက ပန်းပိတောက်တွေက ကြိုဆိုနေကိုတာကြည့်ပြီး အပူဒဏ်ကို သတိမရနိုင်ပဲ တစ်နေ့တာ ကုန်ဆုံးသွားမှာကိုပဲ စိုးရိမ် နေကြ တယ်။ ခေတ်ကာလနှင့်အညီ ကပွဲ ပြိုင်ပွဲတွေ၊ တွေနဲ့ မဏ္ဍတပ်တွေအပြိုင်အဆိုင် ဆွဲဆောင်တယ်။ တဖက်မှာလည်း စတုဒီသာ အလှူပေးပွဲနဲ့ စည်းကားနေတာ ကိုလည်း တွေးပြီးပီတိဖြစ်မိပါတယ်။ ရွှေမြန်မာတို့ သင်္ကြန်နေ့ဟာ အစားထိုး မရနိုင်တဲ့ နေ့တစ်နေ့ပါ။ ရွှေမြန်မာတို့ အတွက် သင်္ကြန်နေ့ထူးနေ့မြတ်ဟာ စိတ်ဆန္ဒလိုချင်ပေါင်းစုံကို ပေးနိုင်တဲ့ နေ့တစ်နေ့ ဆိုလည်း မမှားလောက် ဘူးထင်ပါတယ်။ ဘာသာရေးစိတ်ဝင်စားသူ တရားစခန်းသွား၊ အပန်းဖြေခရီးသွားချင် သူတွေကလည် ကိုယ့် မိသားစုတွေ၊ အပေါင်းအသင်းတွေနဲ့ နေရာကိုယ်စီကို ပေါ့ပေါ့ပါးပါးနဲ့ သွားလာလှုပ် ရှားနိုင်တဲ့ အချိန်ကာလလည်း ဖြစ်ပါတယ်။ အလှူကိုစိတ်ဝင်စားတဲ့သူတွေက ဘုရား၊ ကျောင်း၊ ကန်၊ ဇရပ်၊ ရပ်ကွက်တွေမှာ စတုဒီသာနဲ့၊ ပျော်ရွှင်မှုကို စိတ်စားရင် သူငယ်ချင်းတွေစုပြီး မဏ္ဍတပ် စုံအောင်လည်လို့ မောဖို့တောင်အချိန်မရနိုင်ရှာဘူး။ တစ်ချိူ့ကျတော့ “သူများပျော်လို့ မပျော်နိုင် သင်္ကြန် ရောက်ရင် မှိုင် ” ဆိုပြီး ချစ်စနိုးနဲ့ နောက်ပြောင်ကြ သေး တယ်။
သင်္ကြန်ရေဟာ မြန်မာတွေအတွက် နှစ်ဟောင်းမှ အညစ်အကြေးတွေကို နှစ်သစ်သို့ ပါမသွားအောင် ဆေးကြော တဲ့ ချစ်စရာ သင်္ကေတဖြစ်ပါတယ်။ ပန်းပိတောက်တွေကလည်း ပင်လုံးကျွတ်ပွင့်ပြီး လူမျိုးဘာသာမရွေး လှမ်းပြီး ကြိုဆိုနေပါတယ်။ ကျေးငှက်သာလိကာတွေကလည်း သူတို့ ဘာသန္တရ စကားတွေနဲ့ ကြိုဆိုနေလေရဲ့။ ခေတ်ကာနဲ့ အညီ သီချင်းတွေကလည်း မျိုးစုံပါပဲ ရက်ပ်၊ ပေါ့တ်၊ ပန့်ခ်၊ ဟိုက်ဟော့၊ မြန်မာ့သံဇဉ် တိုင်းရင်းသားတွေကလည်း ရိုးရာ သီချင်းမျိုးစုံတွေ နဲ့ သင်္ကြန်မိုးကို ကြိုနေကြတယ်။ သင်္ကြန်ကိုကြိုဆိုနေတဲ့ သီချင်းတွေထဲမှာ သင်္ကြန်မိုးကို သတိပေး ထားတဲ့ သီချင်းတစ်ပုဒ်ကို စာရေးရင် ကြားယောင်မိလာတယ်။ ဘာတဲ့ “ပွဲဖျက်တဲ့ မိုးလို မစွက်စွဲရအောင် သင်္ကြန် မိုးလေးရယ် စိုရုံဖြန်းပေးအုံး” တဲ့။ သင်္ကြန်ရောက်တိုင်း ရင်ထဲမှာ တွေးပြီးပျော်ရွှင်ရတဲ့ အရသာဟာ သိပ်ကို ချိုမြိန် ကောင်းမြတ်တဲ့ ပီတိတစ်ခုပါ။
သင်္ကြန်ရက်မြတ်ကို ရွှေမြန်မာတို့ ရင်ထဲမှာ အမြဲတမ်းကြိုဆိုနေပါတယ်။ သင်္ကြန်ရက်မြတ်ကို ရောက်ဖို့ အတွက် ရွှေမြန်မာတို့ရင်ထဲမှာ တစ်နှစ်ပတ်လုံး စောင့်စားရတယ်။ ဆရာသမားမိဘများကို သားသမီးတွေက ကန်တော့ကြ မိဘ ဆရာသမားတွေ ကောင်းချီးဆုမွန်ဆန္ဒတွေပေးကြ၊ အချင်းချင်းသူငယ်ချင်း တွေကလည်း "နှစ်သစ်မှာ စိတ်သစ် အတွေး သစ်နဲ့လျှောက်လှမ်းနိုင်င်ပါစေလို့ "ချစ်စရာလေးရိုးရားအစဉ်အလာလေးကို ဖော်ထုတ်ပြသကြတယ်။အချင်းချင်း အမှတ်တရ လက်ဆောင်တွေပို့တယ်။
နှစ်သစ်မှာ အန္တရာယ်ကင်းစွာဖြင့် သင်္ကြန်ရက်မြတ်ကို ဆင်နွှဲနိုင်ကြပါစေ…
