ပြုံပြီးမှ ရယ်ပါ

ကောလိပ်ကျောင်းရောက် သားထံမှ မိဘများသို့ပေးစာ

အဖေနဲ့ အမေ ခင်ဗျား…

ကျန်းခံ့သာလို့ မာပါစ။ ဒီမှာတော့ ကျောင်းရောက်တဲ့ ပထမ တစ်လလုံးလုံး ဘာစာမှ မသင်ရပါဘူး၊ စာသင်ခန်းတွေဆီကို မသွားဖြစ်လို့။ သွားဖြစ်တဲ့ တစ်ရက်ကလည်း ညဘက်ဖြစ်နေတယ်။ အဲဒီညက မီးမလာဘူး။ ပြီးတော့ ဆရာလည်း မလာဘူး။

          စာသင်တဲ့ တစ်နေ့မှာကျတော့ ဆရာက အတန်းထဲမှာပြောတယ်၊ ‘ဒီအခန်းထဲမှာ နလပိန်းတုံးရှိရင် မတ်တတ်ရပ်စမ်းဟေး ’ တဲ့။ သားတို့ တစ်ခန်းလုံးငြိမ်နေပြီ ဘယ်သူမှမလှုပ်ကြဘူး၊ ဒါနဲ့ပဲ ခဏနေတော့ သားမတ်တတ်ရပ်လိုက်တယ်။ အခန်းထဲမှာ ဆရာတစ်ယောက်တည်း ရပ်နေတာကို အားနာလို့။

ကောလိပ်ကျောင်းသားဆိုပြီး ဘောင်ဘီနဲ့ ရှူးဖိနပ်နဲ့ကျောင်းတတ်လို့မရပါဘူးဗျာ။ သင်္ချာတွက်တဲ့အချိန်ကျလို့ ဆယ်ဂဏန်းကျော်သွားရင် ရှူးဖိနပ်ကို ချွတ်ပစ်နေရတာ အလုပ်ရှုပ်လွန်းလို့။  ကောလိပ်ကျောင်းမှာ ကျောင်းသူလေးတွေ ချောတယ်။ အဖေတို့ အမေတို့အတွက် ချွေးမလောင်းကိုရွေးပြီး ရည်းစားစာတစ်စောင် အင်္ဂလိပ်လိုရေးပြီးပေးလိုက်တယ်။ သားကို အင်္ဂလိပ်လို တတ်လှပြီးမထင်နဲ့၊ သားမရေးတတ်ပါဘူး၊ ဒါပေမယ့် ကိစ္စမရှိဘူး။ ကောင်မလေးကလည်း အင်္ဂလိပ်လို မဖတ်တတ်ဘူး။  စာရေးတာနားဦးမယ်။ သားသိပ်နေမကောင်းဘူး။ ဟိုတစ်ပတ်က ဆရာက “ မင်းတို့ အပြင်စာတွေ များများဖတ်ရမယ် ” ဆိုတာနဲ့ ညဘက် အပြင်ထွက်ပြီး စာဖတ်လိုက်တာ အအေးမိသွားတယ်။ နေမကောင်းဖြစ်လိုက်တာ ပိန်းသွားလို့ ရွာက ယူလာတဲ့ ဦးထုပ်တောင် မတော်တော့ဘူး။ အဲဒါ နောက်စေ့ကို တူနဲ့ ထုထားရတယ်။ ဒီတော့ မှ နောက်စေ့မှာ ဘုထွက်ပြီး ဦးထုပ်က ကျွတ်မကျတော့ဘူးပေ့ါ။

ပြီးတော့ မနက်ဖြန်မှာ သားတို့ကို Blood test စစ်မယ်ဆိုလို့ ဒီည တစ်ညလုံး စာကြည့်ရဦးမယ်။

စာကြွင်း။ ။ဒါနဲ့ အမေ နောက်တစ်ပတ်မှာ ဂျူးလီးယာရောဘတ်အကြောင်း အရေးတစ်ကြီးလေ့လာရဦးမယ်။ အဲဒါ ပိုက်ဆံလိုတယ်။ ပို့ပေးပါဦး။ (ချစ်သား)

*******************************************************************

ကောလိပ်ကျောင်းရှိ သားထံ အမေပေးစာ

ချစ်စွာသော သား၊

အမေအသက်ရှင်နေဆဲပဲ ရှိသေးတယ်ဆိုတာ သားသိရအောင် စာလှမ်းရေးလိုက်တာပါ။ မင်းစာမြန်မြန်မဖတ်နိုင်မှန်းသိလို့ အမေဒီစာကို ဖြည်းဖြည်းပဲ ရေးလိုက်ပါတယ်။ မင်းအိမ်ပြန်လင်ရင် အိမ်ဘယ်မှာ မှန်းသိမှာ မဟုတ်ဘူး။ အမေတို့ အိမ်ပြောင်းသွားကြပြီ။ မင်းအဖေလား၊ အခု အလုပ်ကောင်းကောင်း တစ်ခုရနေပြီ။ သူ့အောက်မှာ လူ ၅၀၀ လောက်ရှိတယ်။ သင်္ချိုင်းမှာ မြက်ရိပ်နေတယ်လေ။ အခု အမေတို့ အိမ်သစ်မှာ အ၀တ်လျှော်စက် တစ်လုံးရှိတယ်။ သိပ်တော့ မကောင်းလှပါဘူး။ ပြီးခဲ့တဲ့အပတ်က အမေအဲဒီထဲ ရှပ်အင်္ကျီ ၁၄ ထည် ထည့်လိုက်တယ်။ ပြီး သံကြိုးကို ဆွဲလိုက်တာ အဲဒီအင်္ကျီတွေကို အဲဒီကတည်းက ပြန်မတွေ့တော့ရတော့ပါဘူး။ သားအမမေရီလည်း ဒီနေ့ ပဲ ကလေးမွေးတယ်။ သားလေးလား သမီးလေးလားတော့ အမေလည်း မသိသေးဘူး။ အဲဒီတော့ မင်း အန်တီဖြစ်မလား၊ အန်ကယ်ဖြစ်မလား အမေလည်း မပြောတတ်သေးဘူး။

ပြီးခဲ့တဲ့ အပတ်ထဲမှာ မင်းရဲ့ အန်ကယ် ဒစ်လည်း တို့မြို့က အရက်ချက်စက်ရုံမှာ ၀ီစကီကန်ထဲ ကျပြီး နစ်လို့။  သူ့လုပ်ဖော်ကိုင်ဖက်တချို့က ခုန်ဆင်းပြီးကယ်ကြသေးတယ်။ ဒါပေမယ့် သူက ကယ်တဲ့သူတွေအားလုံးကို သတ္တိရှိရှိ တွန်းလှန်နိုင်ခဲ့တယ်။ သူ့ကို သဂြိုင်္ဟ်တော့ အဲဒီမီးကို ငြိမ်းရတာ သုံးရက်ကြာတယ်။

ပြီးခဲ့တဲ့ အပတ်က မိုးနှစ်ခါရွာတယ်။ တစ်ခါက သုံးရက်ကြာပြီး နောက်တစ်ခါက လေးရက်ကြာတယ်။ တနင်္လာနေ့တုန်းကများတယ် လေတွေတိုက်လိုက်တာ ခြံထဲက ကြက်မတစ်ကောင်ဟာ ကြက်ဥတစ်လုံးတည်းကို လေးခါဥရတယ်။ အသုဘအလောင်းပြင်ဆင်ပေးတဲ့ အိမ်က စာတစ်စောင် မနေ့ကရတယ်။ သူက အမေတို့ ပေးစရာရှိတဲ့ အကြွေးကျန်ကို (၇) ရက်အတွင်း မပေးရင် မင်းဘွားအေ ကြီးကို ပြန်ထလာအောင် လုပ်ပေးလိုက်မယ်တဲ့။ ။

စာကြွင်း။ ။ အမေ သားအတွက် ဒေါ်လာ ၅၀ ထည့်ပို့ မလို့ပဲ။ ဒါပေမယ့် စာအိတ်က ပိတ်ပြီးသွားပြီး။ ။

Source: The Treasury of Clean Jokes.